Përmbytjet në Kolumbi, shkon në 20 numri i të vdekurve

08:35 | 20 Korrik 2023
E.K

Të paktën 20 persona kanë humbur jetën si pasojë e motit të keq në Kolumbi. Mediat e huaja shkruajnë se 5 trupa të pajetë janë gjetur nën një masiv dheu që rrëshqiti dhe bllokoi rrugën midis Bogotës dhe Kolumbisë jugperëndimore.
“Aktualisht numërojmë 20 të vdekur”, duke përfshirë pesë të mitur dhe nëntë të zhdukur, tha shefi i departamentit të zjarrfikësve në Cundinamarca, Alvaro Farfan.
Por kërkimi është bërë më i komplikuar nga reshjet e rrëmbyeshme të regjistruara në rajon, sipas autoriteteve lokale.
Pak para mesnatës së të hënës, rreth 20 shtëpi u rrëmbyen nga një ortek balte dhe gurësh. Të martën, punonjësit e shpëtimit gjetën 15 trupa, përfshirë katër fëmijë, përpara se operacionet të pezulloheshin për shkak të errësirës./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm